Gayatree Gaikwad-Gulhaneवारकरी हरी भक्ती साधना प्रवाह

देवाचिये द्वारी उभा क्षणभरी | तेणें मुक्तीचारी साधियेल्या ||

एक तत्व नाम दृढ धरीं मना । हरीसी करुणा ये‌ईल तुझी ॥

जाणीव नेणीव भगवंती नाहीं । हरि उच्चारणीं पाही मोक्ष सदां ॥

जप तप कर्म क्रिया नेम धर्म । सर्वाघटीं राम भावशुध्द ॥

काळ वेळ नाम उच्चारिता नाही । दोन्ही पक्ष पाही उद्धरती ॥

नामसंकीर्तन साधन पै सोपे । जळतील पापे जन्मांतरीची ॥

नित्य नेम नामीं ते प्राणी दुर्लभ । लक्ष्मीवल्लभ तयां जवळी ॥

सर्व सुख गोडी सर्व शास्त्रे निवडी । रिकामा अर्धघडी राहू नको ॥

सात पांच तीन दशकांचा मेळा । एकतत्त्वीं कळा दावी हरी ॥

सुंदर ते ध्यान उभे विटेवरी । कर कटावरी ठेवूनियां ॥

वेद शास्त्र पुराण श्रुतीचे वचन । एक नारायण सार जप ॥